Libros

Consello d'a Fabla Aragonesa


	EDIZIONS D'O CONSELLO D'A FABLA ARAGONESA
	Modismos dialectales de Calatayud Ye una replega de materials lingüisticos de Calatayú e a suya redolada, feita por o bilbilitano Juan Blas y Ubide (1852-1923). Óscar Latas, escubridor d'es manuscritos ineditos, presienta esta edizión facsimilar en a que trobamos datos lingüisticos d'intrés en una zona aragonesa güegatiza con Castiella, reflexando es usos d'o zaguer terzio d'o sieglo XIX.
	ANA GIMÉNEZ BETRÁN PALESTRA Ganadera d'o VII Premio Internazional de Nobela Curta "Chusé Coarasa" (edizión de 2005), ista narrazión nos mena enta o mundo d'a erudizión uescana d'o sieglo XVII, recreyando presonalidaz e feitos istoricos traszendentals por meyo de Malena, refilla d'o impresor Chuan Pérez de Baldibielso.
	Güeitena edizión d'o premio literario O MANANTIAL DE SIETEMO Un nuebo libro d'a nuestra editorial, en coedizión con o Conzello de Sietemo e a Deputazión Probinzial de Uesca, en o que s'arreplegan as obras galardonatas en 2005. Amanixen en iste libret dos reconoxitas autoras d'os zaguers tiempos: ANA TENA, creyadora d'a narrazión L'ombre la santeta, contestualizata en os maquis de posguerra; e CARMINA PARAÍSO, con a coleuzión de poemas intimistas Plumión de cardelina.
	Publicatas as obras ganaderas d'os VII e VII Premios Literarios de Lo Grau. En iste libro se replegan os treballos que otenioron premio u menzión en os Premios Literarios en Aragonés "Lo Grau" correspondiens á la VII (2002) e á la VIII (2004) edizions. Se publican en primer puesto as obras d'a Vª edizión: As narrazions Birli birloque, que torne Roque, d'Elena Chazal Playán, e Mar plena, de Chuan Carlos Bueno Chueca. S'adibe a colezión de poemas As trías de as alas, d'a que ye autor Chusé Antón Santamaría Loriente. En segundo puesto ban imprentatas as obras que tenioron distinzions en a VIII edizión: a narrazión El paso d'es caballos, de Sergio Mur García, e as colezions de poemas Polbo d'estrella, d'Elena Chazal Playán, e Sisolas, d'Óscar Latas Alegre. De os treballos, tres son en aragonés común, dos en aragonés baxorribagorzano, e uno en aragonés chistabin de A Comuna. Toz, os seis, son muestras d'a calidá e intrés que ba alquirindo a literatura autual en aragonés.
	Un dialeuto de transizión, o monegrino, se puede conoxer ya dende iste estenso bocabulario (7700 bozes e azeuzions), con una breu carauterizazión ligüistica. Os autors: Gonzalo Gavín, Paquita Maza e, o encaragato d'a edizión, Francho Rodés.
	Con o tetulo de FALORDIETAS, l'Aria de Chobentú d'a Comarca Alto Galligo edita una antolochía de testos de Manuel Ramón Campo, con ilustrazions d'Orosia Satué. Os testos probienen d'una tría d'os que semanalmén publica a rebista chaquesa El Pirineo Aragonés. Una buena enchaquia ta leyer. Tamién uns testos útils ta emplegar en clase. Colabora en a edizión o Consello d'a Fabla Aragonesa.
	Traquitos de Biescas Máximo Palacio Una intresán antolochía de testos publicatos entre 1978 e 1998, d'o escritor biesquense Máximo Palacio. Costumbrismo pelaire. Luenga feita poesía. Prosa intrañable. Edizión a cargo d'o Rolde "O Caxico".