IX TROBADA D’ESTUDIOS E RECHIRAS ARREDOL
DE L’ARAGONÉS E A SUYA LITERATURA
UESCA, 3, 4 e 5 d’otubre 2024
ORGANIZA:
INSTITUTO DE ESTUDIOS ALTOARAGONESES
COLABORAN:
Facultad de Ciencias Humanas y de la Educación de Huesca
(Universidad de Zaragoza),
CIFE “Ana Abarca de Bolea”, Consello d’a Fabla Aragonesa
CLAMAMIENTO
- Ochetibos chenerals
Istas trobadas naxioron en 1997 con a intinzión d’achuntar cada bel tiempo á estudiosos de l’aragonés, ta fer escambios de treballos u esperenzias, y empentar asinas os estudios arredol d’a luenga aragonesa e a suya literatura.
- Abanze d’o programa
Bi abrá conferenzias u ponenzias feitas á demanda d’a Comisión d’Enfilamiento. Se presentarán tamién comunicazions, de tematica libre, que podrán proposar os que sigan inscritos en a Trobada. Como complemento se ferá bella autibidá cultural ubierta á o publico en cheneral. Tanto as ponenzias como as comunicazions se presentarán publicamén en as sesions de treballo, os días 3, 4 e 5 d’otubre de 2024.
- Proposizions de comunicazions
Cualsiquier presona que siga inscrita en a IX Trobada puede presentar una proposizión de comunicazión en a que se cuaternarán o tetulo, un resumen de no más de diez ringleras e as parolas clau, chunto con o tetulo, resumen e parolas claus en inglés. Se meterá tamién: o nombre de l’autor u autors (entre parentesis, a instituzión: unibersidá, zentro d’amostranza u asoziazión), adreza postal, telefono e adreza eleutronica. Se presentará antis d’o 30 d’abril de 2020. L’azeutazión se comunicará á os autors en o mes de mayo de 2020.
4 Carauteristicas d’as comunicazions
As comunicazions se presentarán escritas á ordinador, á estar posible en aragonés. Si ixo no estase posible s’agradexerá que biengan redautatas en atra fabla romanica pirinenca (catalán u oczitano), u bien en castellano u en franzés. As escritas en aragonés aplicarán as Normas graficas de l’aragonés, emologatas en 1987. En a bersión definitiba ta ra suya publicazión tendrán una estensión de no más de 50.000 carauters en tipos Times 12 puntos (u similar), incluyindo-bi a bibliografía. Ta ra suya presentazión oral en a Trobada se disposará d’un masimo de 15 menutos (como no ye posible leyer-la entera, se consella parar un resumen esquematico, fer a suya esposizión en 10 menutos e dixar 5 menutos ta fer discusión, preguntas u coloquio).
A tematica d’estudio ye libre, con tal de que chire arredol d’a luenga aragonesa u a suya literatura, u bien se relazione de bella traza con istas. Abrán de zentrar-se en bel aspeuto concreto (as panoramicas chenerals son propias d’as ponenzias).
Ta siguir pautas comuns, ferá onra presentar formalmén tanto ros cuaternamientos u zitas como a bibliografìa seguntes o que ye o costumbre d’a rebista Alazet, rebista de filolochía d’o Instituto de Estudios Altoaragoneses, e d’a rebista Luenga & fablas, d’o Consello d’a Fabla Aragonesa.
- Porga d’as comunicazions
A porga d’as comunicazions proposatas será feita por a comisión d’enfilamiento (con aduya d’asesors esternos, en o suyo caso). En a zaguera zercular se meterá una lista de as comunicazions trigatas ta ra suya esposizión oral en as sesions d’a Trobada, asinas como día e ora siñalatos ta ra suya esposizión seguntes o programa definitibo.
- Diplomas y emologazión
S’atorgará zertificato d’asistenzia equibalén a 20 oras letibas a ras presonas que acrediten a suya presenzia en as diferens sesions. Ista zertificazión tendrá emologazión d’o Departamento de Educación, Cultura y Deporte (Gobierno de Aragón), á trabiés d’o CIFE de Uesca, por tal de fazilitar a partizipazión de profesors d’amostranza primaria e secundaria. A os que i presenten bella comunicazión o Instituto de Estudios Altoaragoneses lis espediará zertificazión espezifica de partizipazión cuaternando ro tetulo d’o treballo. Ta os estudians d’a Unibersidá de Zaragoza se demandará reconoximiento de 0,50 ECTS.
- Publicazión d’as comunicazions
Os testos definitibos se nimbiarán antis d’o día 20 de setiembre de 2024 ta ra Comisión d’Enfilamiento d’a Trobada. Instituto d’Estudios Altoaragoneses, c/ d’o Parque, 10, 22002 Uesca (iea@iea.es). D’entre as comunicazions presentatas se trigarán, as que serán publicatas en as rebistas Alazet e Luenga & fablas.
- Enfilamiento e organizazión
Enfilamiento: Demba de Luenga e Literatura d’o Instituto de Estudios Altoaragoneses.
Comisión d’enfilamiento: Pilar Benítez Marco, Mª Ángeles Ciprés Palacín, Ana Giménez Betrán, Chusé Inazio Nabarro, Francho Nagore Laín, Paz Ríos Nasarre, José Ángel Sánchez Ibáñez, Chesús Vázquez Obrador.
Secretaría teunica: IEA.
Organizazión: Instituto de Estudios Altoaragoneses.
Informazión
Cualsiquier informazión complementaria se puede demandar escribindo u clamando á:
Instituto de Estudios Altoaragoneses
c/ d’o Parque, 10
22002 Uesca
Telefono: (974) 294120 // e.mail (corr.el.): iea@iea.es
FUELLETA D’INSCRIZIÓN
IX TROBADA D’ESTUDIOS E RECHIRAS ARREDOL
D’A LUENGA ARAGONESA E A SUYA LITERATURA
Uesca, 3, 4 e 5 d’otubre de 2024
Apellidos_________________________________________________________
Nombre________________________________________
Adreza__________________________________________________________
Localidá________________________________________
Codigo Postal_________________________________________
Telefono_______________________________________
e-mail (corr.el)___________________________________________________
Profesión: _____________________________________
Zentro de Treballo: _______________________________________________
¿Presenta comunicazión?: sí no
[En caso de que a contestazión siga positiba, nimbiar a fuella-resumen antis d’o 30 d’abril de 2024].
Solizito estar inscrito en a VIII Trobada d’estudios e rechiras arredol de l’aragonés e a suya literatura.
……………………, á……de…………..de 2024
Firma:
Plazo. O plazo d’inscrizión en a Trobaba remata o día 20 de setiembre de 2024.
Comunicazions. Os que presenten comunicazión achuntarán a propuesta de comunicazión (resumen de no más de 10 ringleras) antis d’o 30 d’abril de 2024. O testo completo e definitibo deberá estar entregato antis d’o 20 de setiembre de 2024.
CONDUTA D’INSCRIZIÓN:
40 euros (incluye a chenta de rematanza).
Forma de fer o pago:
Os ingresos ser ferán en a cuenta bancaria lumero: ES37 2085 2052 06 0300463893, que ye ubierta á nombre d’o Consello d’a Fabla Aragonesa en IBERCAJA. A fuelleta d’inscrizión, chunto con una copia d’a transferenzia bancaria, se nimbiará ta ra Secretaría d’a IX Trobada, Instituto de Estudios Altoaragoneses, calle d’o Parque, 10, 22002 Uesca (iea@iea.es).